فیفا ورلڈ کپ 2026 کے گروپ J کے اہم میچ میں ارجنٹینا نے شاندار کھیل کا مظاہرہ کرتے ہوئے اردن کو 1-3 سے شکست دے دی اور گروپ میں پہلی پوزیشن کے ساتھ اپنی مہم کا اختتام کیا۔

ارجنٹینا کی جانب سے جیووانی لو سیلسو نے 19ویں منٹ میں پہلا گول کر کے ٹیم کو برتری دلائی، جبکہ لاؤتارو مارٹینیز نے 31ویں منٹ میں پنالٹی پر گول کر کے برتری دگنی کر دی۔

دوسرے ہاف میں موسیٰ التعمری نے 55ویں منٹ میں گول کر کے اردن کی جانب سے خسارہ کم کیا، تاہم لیونل میسی نے 80ویں منٹ میں گول کر کے ارجنٹینا کی 3-1 کی فتح پر مہر ثبت کر دی۔

اس کامیابی کے ساتھ ارجنٹینا نے گروپ J میں پہلی پوزیشن حاصل کرتے ہوئے فیفا ورلڈ کپ 2026 کے راؤنڈ آف 32 کے لیے کوالیفائی کر لیا، جبکہ اردن گروپ مرحلے میں چوتھے نمبر پر رہا۔