فیفا ورلڈ کپ 2026 کے راؤنڈ آف 32 میں فرانس نے شاندار کھیل کا مظاہرہ کرتے ہوئے سویڈن کو 3-0 سے شکست دے کر اگلے مرحلے کے لیے کوالیفائی کر لیا۔

فرانس کی جانب سے کائیلین ایمباپے نے دو گول اسکور کیے، انہوں نے 45ویں اور 74ویں منٹ میں گیند کو جال کی راہ دکھائی، جبکہ بریڈلی بارکولا نے 53ویں منٹ میں ایک خوبصورت گول کرکے ٹیم کی برتری مزید مستحکم کر دی۔

پورے میچ کے دوران فرانس نے کھیل پر مکمل کنٹرول برقرار رکھا، مضبوط دفاع اور مؤثر حملوں کی بدولت سویڈن کو کوئی گول کرنے کا موقع نہ دیا۔ اس شاندار کامیابی کے ساتھ فرانس نے فیفا ورلڈ کپ 2026 کے اگلے مرحلے میں جگہ بنا لی۔