لارڈز ٹیسٹ کا پہلا دن مکمل طور پر ایکشن سے بھرپور رہا جہاں دونوں ٹیموں کے بولرز نے بیٹرز پر غلبہ حاصل کیا اور مجموعی طور پر 16 وکٹیں گر گئیں۔
ٹاس جیتنے کے بعد نیوزی لینڈ نے پہلے بولنگ کا فیصلہ کیا، جو بالکل درست ثابت ہوا۔ انگلینڈ کی ٹیم بیٹنگ میں بری طرح ناکام رہی اور صرف 140 رنز بنا سکی۔ ہیری بروک نے 56 رنز کی ذمہ دارانہ اننگز کھیلی، جبکہ باقی بیٹرز مکمل طور پر فلاپ رہے۔
نیوزی لینڈ کی جانب سے کائل جیمیسن نے شاندار بولنگ کرتے ہوئے 5 وکٹیں حاصل کیں اور انگلینڈ کو دباؤ میں رکھا۔
تاہم جب انگلینڈ بولنگ کے لیے میدان میں اترا تو نیوزی لینڈ کی بیٹنگ لائن بھی مشکلات کا شکار ہوگئی۔ اولی رابنسن نے اپنے پہلے ہی اوور میں 3 وکٹیں حاصل کر کے تباہی مچا دی۔ ڈیون کونوے صرف 1 رن بنا سکے، جبکہ کین ولیمسن اور رچن رویندرا کھاتہ کھولے بغیر آؤٹ ہوئے۔ کپتان ٹام لیتھم صرف 3 رنز بنا سکے، ڈیرل مچل نے 12 جبکہ ٹام بلنڈل نے 4 رنز اسکور کیے۔
پہلے دن کے اختتام پر نیوزی لینڈ نے 6 وکٹوں کے نقصان پر 61 رنز بنا لیے تھے، جبکہ انگلینڈ کے اولی رابنسن نے 4 وکٹیں حاصل کیں۔
