قومی مڈل آرڈر بیٹر سلمان علی آغا نے لیجنڈ کرکٹر اور سابق کپتان عمران خان کا ایک اہم ریکارڈ توڑ دیا ہے۔

آل راؤنڈر سلمان علی آغا نے سری لنکا کی بولنگ لائن کے خلاف شاندار ناقابل شکست سنچری بنائی، جس کی بدولت پاکستان نے 5 وکٹ پر 299 رنز بنائے۔

سلمان علی آغا نے 83 گیندوں پر 9 چوکے مار کر سنچری مکمل کی اور 87 گیندوں پر 105 رنز ناٹ آؤٹ کھیل کر پویلین واپس لوٹے۔ یہ ان کی ایک روزہ کرکٹ کی دوسری سنچری ہے۔

ان کی شاندار کارکردگی کو دیکھتے ہوئے انہیں پلےئر آف دی میچ قرار دیا گیا۔

31 سالہ سلمان علی آغا اب تک 45 ون ڈے میچز میں 1357 رنز اسکور کرچکے ہیں، جن میں 2 سنچریاں اور 8 نصف سنچریاں شامل ہیں۔

سلمان علی آغا نے اس نمبر پر بیٹنگ کرتے ہوئے پاکستان کے لیے زیادہ ون ڈے سنچریاں بنانے کا محمد یوسف کا ریکارڈ برابر کر دیا ہے۔ محمد یوسف نے بھی 5ویں پوزیشن پر بیٹنگ کرتے ہوئے 2 سنچریاں بنائی تھیں۔

مزید برآں، اس نمبر پر بیٹنگ کرتے ہوئے عمران خان، باسط علی، سرفراز احمد، اعجاز احمد، فواد عالم اور شعیب ملک نے ایک، ایک سنچری سکور کی ہے۔