ناروے کی فٹبال فیڈریشن نے اعلان کیا ہے کہ اسرائیل کے خلاف ہونے والے فٹبال میچ سے حاصل ہونے والی تمام آمدنی غزہ کے متاثرہ عوام کی امداد کے لیے ڈاکٹرز وِد آؤٹ بارڈرز (Doctors Without Borders) تنظیم کو عطیہ کی جائے گی۔

رپورٹس کے مطابق، کارپوریٹ اسپانسرز نے بھی اس مہم میں شمولیت اختیار کرتے ہوئے 3 لاکھ 50 ہزار امریکی ڈالر کا اضافی عطیہ دینے کا اعلان کیا ہے۔

ناروے کے متعدد فٹبال حکام اور شائقین ماضی سے ہی اسرائیل کی ورلڈ کپ میں شمولیت پر اعتراض کرتے آئے ہیں، ان کا کہنا ہے کہ یہ میچ ان کے مؤقف کو پرامن انداز میں اجاگر کرنے کا ایک موقع فراہم کرتا ہے۔