انٹرنیشنل کرکٹ کونسل (آئی سی سی) ویمنز ون ڈے ورلڈ کپ کے لیے پاکستان نے 15 رکنی اسکواڈ کا اعلان کردیا۔
فاطمہ ثناء پہلی مرتبہ ورلڈ کپ میں قومی خواتین ٹیم کی قیادت کریں گی۔ اعلان کردہ اسکواڈ جنوبی افریقہ کے خلاف 3 ون ڈے میچز بھی کھیلے گا۔
ویمنز ورلڈ کپ بھارت اور سری لنکا میں 30 ستمبر سے 2 نومبر تک منعقد ہوگا، تاہم پاکستان کے تمام میچز سری لنکا میں شیڈول ہیں۔
نتالیا پرویز، رامین شمیم، صدف شمس، سعدیہ اقبال، شوال ذوالفقار اور سیدہ عروب شاہ پہلی مرتبہ ون ڈے ورلڈ کپ میں حصہ لیں گی۔
کوالیفائر اسکواڈ کے مقابلے میں ٹیم میں دو تبدیلیاں کی گئی ہیں، گل فیروزہ اور نجيحہ علوی اس مرتبہ ٹیم کا حصہ نہیں ہوں گی۔
قومی ویمن ٹیم کا اسکواڈ
اسکواڈ میں فاطمہ ثناء (کپتان)، منیبہ علی صدیقی، عالیہ ریاض، ڈیانا بیگ، ایمان فاطمہ، نشرا سندھو، نتالیا پرویز، عمائمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ شامل ہیں۔
اس کے علاوہ نان ٹریولنگ ریزروز میں گل فیروزہ، نجيحہ علوی، طوبیٰ حسن، امِ ہانی اور وحیدہ اختر شامل ہیں۔
