بھارتی کرکٹ کے تجربہ کار آف اسپنر روی چندرن ایشون نے انڈین پریمیئر لیگ (آئی پی ایل) سے ریٹائرمنٹ کا اعلان کر دیا ہے۔ بھارتی میڈیا کے مطابق، انہوں نے سوشل میڈیا پر ایک جذباتی پیغام میں کہا کہ وہ اب آئی پی ایل میں کھیلتے ہوئے نظر نہیں آئیں گے، لیکن دنیا بھر کی مختلف ٹی 20 فرنچائز لیگز میں اپنی خدمات جاری رکھیں گے۔
ایشون نے اپنے پیغام میں کہا: “آج میرے لیے ایک خاص دن ہے اور ایک نئی شروعات بھی۔ کہتے ہیں ہر اختتام ایک نئی شروعات لاتا ہے۔ میرا آئی پی ایل کیریئر اختتام پذیر ہو رہا ہے، مگر اب میں دنیا کی دیگر لیگز میں کرکٹ کا نیا سفر شروع کرنے جا رہا ہوں۔”
انہوں نے ان تمام فرنچائزیز کا شکریہ ادا کیا جنہوں نے انہیں یادگار لمحات اور تعلقات دیے، اور آئی پی ایل و بی سی سی آئی کا خصوصی شکرانہ بھی ادا کیا۔
https://x.com/ashwinravi99/status/1960566235873337576?ref_src=twsrc%5Etfw%7Ctwcamp%5Etweetembed%7Ctwterm%5E1960566235873337576%7Ctwgr%5Eaf65e6da0eb1c3b6187e3a42921374ac476a820c%7Ctwcon%5Es1_c10&ref_url=https%3A%2F%2Furdu.arynews.tv%2Fravichandran-ashwin-announces-retirement-from-ipl%2F

اگر آئی پی ایل کی بات کی جائے تو ایشون نے پانچ ٹیموں کی نمائندگی کی: چنئی سپر کنگز، پنجاب کنگز، دہلی کیپیٹلز، راجستھان رائلز اور رائزنگ پونے سپر جائنٹس۔ انہوں نے پنجاب کنگز کی قیادت کے فرائض بھی انجام دیے۔