قومی بیٹر بابر اعظم(babar azam) نے ٹی ٹوئنٹی انٹرنیشنلز کے ناپسندیدہ ریکارڈ میں سابق کپتان شاہد آفریدی کو پیچھے چھوڑ دیا۔

زمبابوے کے خلاف سہ ملکی ٹی ٹوئنٹی سیریز کے پہلے میچ کے دوران بابر اعظم نے شاہد آفریدی کا ناپسندیدہ ریکارڈ توڑا۔

سہ ملکی سیریز کے پہلے ہی میچ میں بابر اعظم زمبابوے کے خلاف بغیر کوئی رن بنائے آؤٹ ہوگئے۔صفر پر آؤٹ ہونے کے ساتھ ہی بابر اعظم ٹی ٹوئنٹی انٹرنیشنلز میں 9ویں مرتبہ بغیر کوئی رن بنائے آؤٹ ہوئے۔

ٹی ٹوئنٹی انٹرنیشنل میں پاکستان کی جانب سے سب سے زیادہ صفر پرآؤٹ ہونے کے ریکارڈ کی فہرست میں صائم ایوب اور عمر اکمل مشترکہ طور پر پہلے نمبر پر ہیں، دونوں بیٹرز 10 بار صفر پر آؤٹ ہوئے۔

بابر اعظم شاہد آفریدی کو پیچھے چھوڑتے ہوئے پاکستان کےان بیٹرز کی فہرست میں دوسرے نمبر پر آگئے جن کے سب سے زیادہ صفر ہیں۔